"EK NAUKA THI"

POEM : "EK NAUKA THI"

   We have dreams! We have      ambitions! We have desires!!

   What it takes to fulfill them?

   What if they find no place?

   What if they are shattered like a glass?

Just a poem, may be a thought! To discover what it takes to destroy a dream? To kill our ambitions? To kill our soul!!!

Ek Nauka
Thi

Ek Kashti chotti si meri, Sapno ki Lehro pe chali thi!

Hawaon se Takraati, Ghabraati, vo meri Nauka nikli thi!

Samandar ki gehraiyon se anjaan, ghurti un parindo ko!

Aur pankh faila kar safar pe nikli, kaat gulami ke fando ko!

Ha vo chotti si, meri kalpana vo meri kashti thi!!!

Suraj ki kirne daud lagati, Choone meri kashti ko,

Baadal me se boonde tapki, dekh k meri kashti ko!!

Aur kucch GEET hai in Lehro k, jo behte behte sunta hu!!

Jal chalak pada ab kashti me, kismet khud ki khud chunta hu!!

Par vo chotti si, meri kalpana vo meri hi kashti thi!!

Barish nahi ye aansu Tapke, Aasman kuch kehta hai!

Hawa nahi ab Aandhi chali hai, Paani itna gehra hai!!

Har disha me maut khadi hai, akela khud ko paya hai,

Kashti meri ruth gai ab,  Waqt toofan ko laya haii!!

Akeli aur sunsaan kalpana vo kashti ab meri thi!!

Umeede ki sarhad par vo, chupchaap khadi ek Nauka thi!!

Tutt gaya har Purja uska, dubb gaya har mauka bhi!!

Aansu ghul gaye Saagar k jal main, nauka dubi us uljhan main!

Kaha se laau duji nauka, kaha se laau duzze Sapne!!

Sirf ek kalpana, vo chotti si, kya vo meri kashti thi??

Written By -  

ASHUTOSH   MISHRA