Aazadi!!!

Aazadi!!!

Sir pe ek chhat milli hai, dil me roshni bhi milli hai,

Is mitti ki keemat milli hai, or ek aawaz milli hai,

Saans lene ki izzazat maange ki jarurat nahi,

Adhikaar in hawao pea ab hume bhi mille hai.

Sir utha k chalne ki himmat bhi milli h,

Sehmi hui nahi, ek khuli muskurahat bhi milli hai

Baarish ki bundo me bhigne ki khushi milli hai,

Khud ki zindagi, khud ke tarikko se jeene ki izzazat milli hai.

Bahut se kurbaaniya de kar, un logo ne is desh ko bachaya tha,

Bahut sa khoon bahakar, angrezi Sarkar ko giraya tha,

Bahut sa saahas dikhakar, khud ka gantantra banaya tha,

Un logo ne is ghulam desh ko aazad desh kehlavaya tha.

Par kya hum usse aazad rakh paaye?

Kya unki kurbaaniyo ki kimaat hum chukka paaye?

Jo sapna unohne dekha tha, vo pura kar paaye?

Shayad nahi!!!

Kyu humne un logo k sapno ko bhula diya?

Kyu humne bhrastachar ko gale se laga liya?

Kyu humne jurm ko ek rasta dikha diya?

Kyu humne aazadi ko ek Mazak sa bana diya?

Aaj bhi bahut se log hai jo bhuke hi so jaate hai,

Sadak k ek kinaare pe raat bitaate hai,

Hath me dhhero degree leke, naukri ki talaash me jaate hai.

Or kuch apni aadhi zindagi court me bitate hai.

Kya waakai aapko lagta h ki desh aazad hua hai,

Kya sach me hum ek mukaam pe pahuche hai,

Sach to yeh h ki abhi bahut andhera h raaho me,

Par shayad ek sachi umeed ki kiran bhi kaafi hogi.

-Ashutosh