TO ACHAA HOTA!!!

                                           

 TO ACHAA HOTA

Yun kuch baate, rehti jabaan pe!

Or dil k iraade, dil me hi dafn (Bury) hote!

Vo chhupi hui muskaane na saamne aati!

Armaano ko koi jagah chhipne ki mil hi jaati!

To achaa hota!!!

Har ek mulakaat ab tasveer ban ne lagi hai,

Yaado ka ek sailaab aaya hai ki dubb gai meri kashtiyan,

Jinme sawaar the kai sapne, kai apne or kuch baate!

Agar rok lia hota pehli baar me hi tumhe,

To achaa hota!

Tere aansuo k pichhe daud kar bhi dekha tha,

Or paaya mene teri khubsurat aankho ka pata!

Vo pal na kabhi guzra tha or na guzrega,

Chahta hu ki hata lia hota teri aankho se mene pehra!

To achaa hota!

Jab thaama tha mere haatho se haath tera,

To saanso ne kuchh palo k liye alvida tha kaha

Ek nai si duniya ban ne lagi thi humari ki,

Sochta hu us zinda khwab ko tod deta zara sa!

To achhaa hota!

Pehli baar dil bhi saham raha tha, dar raha tha!

Har pal maaloom tha ki tum sach ho hi nahi!

Zindagi kaanch k kuch tukdo ki tarah bikhar gai,

Unhe jod kar ek aaiyana bana ne ki koshis karta!

To achaa hota!

Aaj saath tum nahi ho par saath hai vo yaade!

Jinko sanjokar koshish karta hu jinne ki!!

Tamaanaa hai dil me tumhe ek baar dekhne ki,

Par Pehli dafaa hi najar na aaye hote tum

To achaa hota!!





-ASHUTOSH MISHRA